💡 Vissir þú að...

Graslaukurinn er eina lauktegindin sem er náttúrulega útbreiddur bæði í gamla og nýja heiminum. Hann hefur vaxið viltur á báðum meginlöndum í þúsundir ára!

Graslaukur

Allium schoenoprasum

Graslaukur á heimkynni í Evrópu, Asíu og Norður Ameríku. Graslaukur hefur verið notaður í um 5000 ár. Jurtina er auðvelt að hafa í garðinum hjá sérog hún er mikið notuð í lyf og matargerð um allan heim.

Graslaukur er fjölær planta sem getur orðið um 30-50 cm á hæð og um 2-3 mm á þykkt. Stilkarnir eru holir að innan og með mjúka áferð nema rétt áður en þeir bera blóm, þá virðast þeir stinnari. Hann vex í þéttum hnapp utan um ræturnar. Blómið er stjörnulaga með sex blöðum u.þ.b. 1-2 cm breitt og vex í hnapp af 10-30 blómum saman. Á Íslandi blómstrar Graslaukurinn í júní/júlí.

Graslaukur er notaður í marga svína-, nauta-, fugla- og fiskrétti. Graslaukur er líka mjög góður í heitar og kaldar sósur og salöt en í salatið er einnig gott að nota blómin.

Uppruni

Evrópa / Asía / Norður-Ameríka

Notkun

Fiskréttir, kjöt, sósur, salat, skraut

Senda inn fyrirspurn Sjá allar kryddjurtir

Heilsufarið

Heilsubætur

Andoxunarefni

Ríkur af C og K vítamínum sem styðja við heilsu líkamans.

Hjarta

Efnasambönd í graslauk geta stuðlað að heilbrigðu hjarta og blóðþrýstingi.

Bólgueyðandi

Náttúrulegar efnasambönd geta dregið úr bólgum.

Ónæmiskerfið

C vítamínið styður við eðlilega starfsemi ónæmiskerfisins.

Þessar upplýsingar eru einungis til fróðleiks, ráðfærðu þig við lækni varðandi heilsufarsráð.

Umhirða

Hvernig á að hugsa um graslauk

Vökvun

Vökvið reglulega en látið jarðveginn þorna örlítið á milli vökvana.

Birta og sól

Þarf góða birtu, hentar vel í glugga eða utandyra á sumrin.

Hitastig

Þolir vel íslenskt veður og getur vaxið utandyra á sumrin.

Jarðvegur

Ríkur og rakahaldandi jarðvegur hentar best.

Hugmyndir að notkun

Saxaður yfir bakaðar kartöflur með sýrðum rjóma

Í kælda gúrkusúpu með sýrðum rjóma

Blómin ferskt í salat sem skraut

Í rjómaostsósu með pasta eða fiski